Lecturas de última hora

Agora que case estamos a fin de curso e andamos un pouco pillados de tempo decidimos ler xusto o libro máis gordo de todos: Los hombres que no amaban a las mujeres, de Stieg Larrson.

O caso é que o libro engancha e xa varias das lectoras remataron o primeiro tomo da triloxía Millenium e xa están moi avanzadas na lectura do segundo: La chica que soñaba con una cerilla y un bidón de gasolina.

Para ler o último, La reina en el palacio de las corrientes de aire, temos que esperar a que se publique a versión en castelán que está prevista para mediados de xuño (a presentación en Madrid é o vindeiro 22 de xuño), pero se non nos dá tempo a lelo neste curso quédanos de "deberes" para o curso que vén.

Entrementres estamos barallando a posibilidade de ir ao cine para ver a adaptación da primeira entrega...

Estará á altura do libro?

Unha nova saída

O pasado venres 29 de maio fomos ao cine para ver Ángeles y demonios, película baseada na novela homónima de Dan Brown.

Este libro é anterior ao best-seller O Código Da Vinci, pero tivo un recoñecemento posterior.

Estamos valorando a posible lectura destas obras ou, cando menos, dunha delas (se temos en conta a semellanza na temática e no desenvolvemento da trama).

Mulleres lectoras (Conto)

Unha mañá, o marido volve á súa cabana logo de varias horas de pesca e decide durmir unha sesta.
Aínda que non coñece ben o lago, a muller decide saír na lancha. Métese lago adentro, bota a áncora e le un libro.
Vén un garda na súa lancha, achégase á muller e dille:
-Bo día, señora. Que está facendo?
-Lendo un libro- responde ela (pensando 'Non é obvio?')
-Está en zona restrinxida para pesca- infórmalle o garda
-Desculpe, oficial, pero non estou pescando, estou lendo.
-Si, pero ten todo o equipo, polo que vexo, podería comezar en calquera momento, terei que levala e detela.
-Se fai iso, tereino que acusar de abuso sexual- di a muller...
-Pero nin sequera a toquei!!!- di o garda.
-É certo, pero ten todo o equipo. Polo que vexo, podería empezar en calquera momento.
-Desculpe, di o garda,que teña un bo día, señora.
E foise de inmediato......

ENSINANZA
Nunca discutas cunha muller que le: Sabe pensar.

AS LAGRIMAS DE SHIVA!! XD

RESUMO:

Adolecente que pasa o verán resolvendo un antigo segredo familiar e no transcurso do misterio namórase!!

PARA MÁIS INFORMACIÓN LER O LIBRO!!

Este é 1 libro de fácil comprensión no que a historia gusta dende o principio pola forma de estar redactado!!

Nova fornada de libros

Para o tempo que nos resta compramos catro novos títulos que leremos no que nos queda de curso:

Para o grupo de 4º:

Como agua para chocolate, de Laura Esquivel

Poetízate, de Fran Alonso

Para o grupo de 3º:

El laberinto de las aceitunas, de Eduardo Mendoza

Comedia bífida, de Manuel Núñez Singala

TeatraLEaNDO

O teatro pódese ler ou ver... Nesta ocasión nós optamos por asistir á representación de Comedia bífida, de Núñez Singala, posta en escena pola compañía Bicodobrelo.
Aquí queda unha lembranza dese día

Máis que libros

Ademais de ler tamén procuramos levar a cabo algún tipo de actividade complementaria relacionada coa obra que estamos lendo ou que imos ler.
Así, polo de agora, as de 4º asistimos (o 17 de decembro)ao cine á proxección do filme Crepúsculo...



E acudimos tamén ao teatro, o pasado sábado 28 de febreiro, á representación de Comedia bífida, de Manuel Núñez Singala, posta en escena por Bicodobrelo

O que lemos

No que levamos andado xa alá van lidos tres libros e con dous estamos nestes momentos.

O club de 3º leu As lágrimas de Shiva, de César Mallorquí e agora estamos con Os nomes do traidor, de Xurxo Sierra Veloso.

O club de 4º leu El niño del pijama de rayas, de John Boyne, e Crepúsculo, de Stephenie Meyer. Agora estamos lendo Son lenda, de Richard Matheson.

Posta ao día

Aínda que un pouco tarde, imos poñer un pouco de orde neste club de lectura.
Para comezar, debemos presentarnos. Pertencemos ao CPI Camiño de Santiago e dentro deste ao club de lectura Camiño de libros.
Este club está dividido en dúas seccións: un grupo de alumnos de 3º da ESO e outro de 4º
No primeiro grupo inclúense: Alba R, Alba S, Iria, Manuel, Olalla, Pablo e Yeni. No segundo grupo están: Bianca, Cristina, Iria, Marina, Nati, Noris, Raquel S, Raquel V e Tamara.
A que está un pouco ao mando de todo isto son eu, Amelia, a profesora de lingua galega e literatura e responsable do que aquí se faga.

Crepúsculo

Ola :) Aquí estamos actualizando Naty,Tamara e Bianca. Por primeira vez. Como non? imos actualizar con Crepúsculo. A foto é de Edward e Bella. Este libro límolo no club de lectura, coa nosa mestra Amelia. Faremos outra actualización explicando o tema do libro. Só dicimo que é un libro mooi bonito e espectacular. Unha historia de amor estupenda.